Mikacinta Lima Perkara Mohokeun Lima Perkara

 

وَلَنَبْلُوَنَّكُمْ بِشَيْءٍ مِنَ الْخَوْفِ وَالْجُوعِ وَنَقْصٍ مِنَ الْأَمْوَالِ وَالْأَنْفُسِ وَالثَّمَرَاتِ وَبَشِّرِ الصَّابِرِينَ (١٥٥) الَّذِينَ إِذَا أَصَابَتْهُمْ مُصِيبَةٌ قَالُوا إِنَّا لِلَّهِ وَإِنَّا إِلَيْهِ رَاجِعُونَ (١٥٦) (البقرة: ١٥٥-١٥٦)   

Dina Salah Sawios Dawuhan Kanjeng Nabi Saw. Nyebatkeun:

سيأتى على امتى زمان يحبون الخمس وينسون الخمس يحبون الدنيا وينسون الآخرة يحبون الحيوة وينسون الموت يحبون القصور وينسون القبور يحبون المال وينسون الحساب يحبون الخلق وينسون الخالق

 

Bakal datang hiji jaman ka umat kami,  dimana aranjeun na mikacinta 5 perkara sareng mohokeun kana 5 perkara; anu kahiji: aranjeun na mikacinta dunia sareng  mohokeun akhirat, kadua: aranjeun na mikacinta hirup sareng mohokeun maot, katilu: aranjeun mikacinta bangunan-bangunan mewah jeung mohokeun kuburan, kaopat aranjeun na mikacinta kana harta jeung mohokeun hisaban, kalima aranjeun na mikacinta ka makhluk jeung mohokeun anu nyiptakeunana.

 Hadirin Kaum Muslimin Jamaah Juma’ah Rahimakumullah

Dina nalika urang merhatoskeun jaman anu sakumaha disabdakeun ku kanjeng nabi ieu nyaeta masa ayeuna anu ku urang kabuktoskeun, margi lima kriteria ieu parantos ku urang kasakseni di jaman ayeuna.

 Anu Kahiji يحبون الدنيا وينسون الآخرة  Mikacinta dunia sareng  mohokeun akhirat,

Milarian Kanikmatan dunia memang teu aya larangan di islam, bahkan diparentahkeun ku allah swt. Nanging hal ieu priyogi ku urang diimbangi pikeun bekel kahirupan urang jaga di akherat. Sareng henteu kaluar tina ketentuan anu di syariatkeun ku agama islam. Margi kanikmatan hirup di dunia ngan saukur sementara sedengkeun kanikmatan anu abadi nyaeta kanikmatan surga diakhirat. Sakumaha allah swt. Ngadawuh dina al-qur’an:

وللاخرة خير لك من الاولى

“Sungguh akhirat itu lebih baik bagimu dan lebih utama dibandingkan dengan dunia.”

 Anu Kadua  يحبون الحيوة وينسون الموت   mikacinta hirup jeung mohokeun maot.

Setiap makhluk anu bernyawa termasuk manusa pasti bakal maot, bakal ngantunkeun ieu alam pawenangan, nanging sok sanaos manusa yakin ku kedatangna maot tapi masih keneh seeur jalmi anu mohokeunanan, padahal anjeunna sering ningali peristiwa jalmi-jalmi anu maot tapi saalit pisan anu ngajantenkeun  pelajaran. Sahingga anjeuna dina nalika tos ngantunkeun alam dunia lebet kana alam kubur bakal ngaraos hanjakal dugi ka anjeuna ngadoa: ………… ya allah ya robb cik pangbalikeun abdi ka alam dunia, tangtos kami bakal jadi jalmi anu resep sodakoh jeung bakal jadi termasuk golongan jalmi-jalmi anu soleh. Namung permohonan sareng kahanjakalanna  teuaya artina dipandangan allah.

Hadirin Kaum Muslimin Rahimakumullah

Anu katilu يحبون القصور وينسون القبور  Mikacinta bangunan-bangunan mewah jeung mohokeun kuburan.

Dina waktos ieu seeur jalmi-jalmi anu berlomba-lomba ngabangun bumi anu serba mewah, aranjeunna semangat bahkan rela ngaluarkeun biaya anu ageung, nanging aranjeunna poho ngabangun bumina kanggo engke di akherat, poho ngabangun bumina di kuburan, sehingga nalika anjeunna ngantunkeun alam pawenangan ieu teuaya tempat anu nyaman pikeun anjeuna, margi teupernah  ngabangun bumi kanggo akhiratna dina nalika hirup di alam dunia, aranjeuana mohokeun ibadah ka allah tur padahal sadaya amal kasaeanna mangrupikeun bahan bangunan pikeun ngadirikeun bumi anu megah nyaeta di alam kubur terutami kengingna surga allah swt.

 Anu Kaopat يحبون المال وينسون الحساب  mikacinta kana harta jeung mohokeun hisaban.

Pada dasarna Manusa memang kacida resepna kana harta, namung teukenging dugi ka mikaresepna urang kana harta pohobahwa harta eta teh bakal di hisab. Hisab mangrupikeun penghitungan sareng pertarosan timana urang kengingna harta sareng kamanakeun harta eta urang gunakeun. Dina nalika pertarosan oeu diwaler kalayan sae cara kenging sareng ngagunakeunanan oge tiasa dipertanggungjawabkeun dihadapan allah, maka harta ata bakal ngajantenkeun pitulung kengingna kabagjaan. Namung dina nalika harta eta dihasikeun na tina jalan anu diharamkeun ku allah, maka harta eta bakal ngajankeunkeun kacilakaan oge kasangsaraan. Kitu oge dina nalika harta anu dikengingkeun tida  jalan anu halal namung digunakeunna pikeun sesuatu anu dimurkai Allah maka eta oge bakal ngajantenkeun sengsara sareng celaka.

Anu Kalima يحبون الخلق وينسون الخالق  mikacinta ka makhluk jeung mohokeun anu nyiptakeunana.

Sayaktosna naon anu disabdakeun ku kanjeng rasulullah saw. Nyaeta nyaeta leres kabuktosan ku urang sadayana, dizaman ayeuna manusa kaseseeuranna mung mikacina ka makhluk sareng poho kanu nyiptakeunana, manusa teuningali tanda-tanda kaagungan allah kusabab katutupan ku hawa nafsu dunia anu dihiasi ku mahluk. sahingga teuheran terjadi bencana dimana-mana margi ku cara kitu allah bakal ngajantenkeun manusa inget ka anu nyiptakeunana. Ku dipaparinana manusa kemewahan sareng kabagjaan ngajantenkeun teu eling na ka allah swt., sahingga dina kemewahan sareng kabagjaan eta Allah nurunkeun bencana supaya eling oge ningkatkeun kaimanan sareng katakwaan ka allah swt.  Dina nalika hiji daerah teu aya majlis zikir, majlis ilmu sareng seeurna jalmi anu ngaramekeun masjid maka teu mustahil bencana bakal turun. Kumargi sakitu mangga urang sadaya ramekeun majlis majlis zikir, majlis-majlis ilmu sabab Allah akan nurunkeun rahmat sareng cintana ka hambana anu sok nyeeurkeun dzikir oge takorub ka allah swt.