Khutbah Jum'at: Evaluasi Ibadah Qiyamu Ramadlan pada Akhir Ramadhan

Ramadhan merupakan bulan suci yang senantiasa dirindukan setiap muslimin dan bulan suci itupun akan berjalan mengikuti siklusnya, hingga kita berada dipenghujung ramadhan,

Khutbah I

اَلْحَمْدُ لله، اَلْحَمْدُ للهِ الَّذِيْ أَنْزَلَ الْفُرْقَانَ لِلْعَالَمِيْنَ بَشِيْرًا وَنَذَيِرًا،

أَشْهَدُ أَنْ لَا إِلَهَ إِلاَّ اللهُ وَحْدَهُ لَا شَرِيْكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ الْمَبْعُوْثُ الَّذِيْ أَنْزَلَ عَلَيْنَا بِأَنْوَاعِ النِّعَمِ مِدْرَارًا.

اَللَّهُمَّ فَصَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ وَعَلَى آلِهِ وَصَحْبِهِ الَّذِيْنَ يُطَهِّرُوْنَ اللهَ تَطْهِيْرًا. -  --- أما بعد 

فَيَا اَيُّهَا الْحَاضِرُوْنَ، أُوْصِيْنِيْ نَفْسِيْ وَإِيَّاكُمْ بِتَقْوَى اللهِ فَقَدْ فَازَ الْمُتَّقُوْنَ. قَالَ اللهُ فِىْ كِتَابِهِ الْكَرِيْمِ.أعوذ بالله من الشيطان الرجيم:

يٰٓاَيُّهَا الَّذِيْنَ اٰمَنُوا اتَّقُوا اللّٰهَ وَقُوْلُوْا قَوْلًا سَدِيْدًاۙ ٧٠ يُّصْلِحْ لَكُمْ اَعْمَالَكُمْ وَيَغْفِرْ لَكُمْ ذُنُوْبَكُمْۗ وَمَنْ يُّطِعِ اللّٰهَ وَرَسُوْلَهٗ فَقَدْ فَازَ فَوْزًا عَظِيْمًا ٧١ ( الاحزاب/33: 70-71)

Jemaat Jum’at rahimakmulloh

Ngalangkungan iyeu mimbar mulia, Khatib nyanggaken wasiat, kanggo pribadi oge ka hadirin sadayana ..., hayu urang sasarengan ningkatken ka taqwaan urang sadayana ka Alloh SWT, kalawan berusaha ngajalanken oge ningkatkeun sarta istiqomah dina ngalaksanakeun thoat ka Alloh SWT, sareng nebihan sadaya larangan Alloh SWT,

Jemaat Jum’at rahimakmulloh

Dinten Jum’at anu mulia iyeu urang tos lebet kana saat-saat akhir tina sasih romadhon tahun iyeu, dinten iyeu urang lebet kana kaping 28 Ramadlan 1446 H, dimana… sasih Romadhon teh salamina di anti-anti ku sakumna jalmi-jalmi beriman, ku jalmi nu micinta kana dongkapna ampunan Alloh SWT... , ayeuna… sababaraha saat deui, iyeu romadhon bakal ngantunkeun urang sadayana, namung sateu-acan pileuleuyan sareng sasih mulia iyeu..., sae kanggo urang… pikeun ngoreksi heula kana perjalanan ibadah romadhon urang nu berjalan dina tahun iyeu,  hayu evaluasi masing-masing… ti kawitna iyeu sasih berjalan dugika dinten ayeuna, anu insyaAlloh bakal janten dinten panutup na Romadhon tahun iyeu,

• tos sabaraha jenis amalan soleh nu tiasa ku urang di amalkeun oge di tingkatkeun dina iyeu Romadhon?,
• tos sabaraha seueur amal-amalan nu di kumpulkeun?
• naha amal-amalan urang, dina sasih anu mulia iyeu… tos dugi kana harepan masing-masing?
• naha ibadah urang dugika saat iyeu tos tepat sakumaha ilmu sareng tungtunan syare’at na?,
• naha ku ayana iyeu romadon teh, tos ngajantenkeun urang tiasa ringan dina bertaubat ka Alloh SWT?

Pertarosan-pertarosan nu sajenis, mangga taroskeun kana diri masing-masing, sehingga upami waleran na nu kaluar tina diri urang saperti kertas buram nu henteu jelas; mangka kewajiban kanggo urang, saseepna tina iyeu sasih, hayu ningkatkeun ilmu pengetahuan diri masing-masing, ngeunaan ajaran-ajaran syariat Alloh, sareng sadayana nu terkait kana amaliah ibadah urang, sabab alesan anu tiasa di arep-arep ku saurang hamba Alloh pikeun tiasa ningkatkeun nilai-nilai kebaikan kanggo dirina; taya sanes di kawitan ku ayana elmu pengetahuan nu jejeg tur di amalkeun. harepan kapayuna, tiasa beramal kalawan laluasa dina waktos nu bakal dongkap; margi tiasa soteh di arep-arep ningkatkeun na amalan saurang hiji jalmi, lamun dina lahir bathin na aya elmu syariat nu tos ngancik, dugika ngalahirkeun rupi-rupi kesadaran, sareng netegkeun kana hate sareng patekadan anu kuat pikeun istiqomah dina ngajalankeun thoat na ka Alloh SWT, teras nga murnikeun ibadah ngan ka Alloh SWT wungkul.

Upami urang dina Romadhon iyeu, tos tiasa maksimal dina ngajalankeun kathoatan ka Alloh SWT, kalawan sakuat ikhtiar tho’at urang, maka puji Syukur ka Alloh robbul alamin nu ngersakeun ka eta jalmi aya dina karunia-Na Alloh nu agung (insyaAlloh), saterasna tingkatkeun oge jaga eta amal-amalan dugika seepna romadhon, mudah-mudahan urang kalebetkeun jalmi nu ngengingkeun kaunggulan anu agung di sisi Alloh SWT, sarta tiasa ngajantenkeun latihan romadhon iyeu sebagai peningkatan amal-amal sae dina sasih nu bakal dongkap.

Akhir Romadhon ngarupikeun babak penentu kemenangan, nyaeta kemenangan berupa ningkatna ketaqwaan saurang mukminin ka Alloh SWT. Kahade teukenging aya saurang mu’min oge nu ngotoran akhir ibadah na ku perbuatan-perbuatan maksiat, urang kedah sieun ku sakumaha nu di dugikeun dina Sabda Rasululloh SAW:

إِنَّ الْعَبْدَ لَيَعْمَلُ عَمَلَ أَهْلِ النَّارِ، وَإِنَّهُ مِنْ أَهْلِ الْجَنَّةِ، وَيَعْمَلُ عَمَلَ أَهْلِ الْجَنَّةِ، وَإِنَّهُ مِنْ أَهْلِ النَّارِ. وَإِنَّمَا الْأَعْمَالُ بِالْخَوَاتِيمِ

Saestuna; aya hiji hamba Alloh anu ngalakukeun amal-amalan kabiasaan penghuni naraka, tapi akhirna jadi penghuni surga, sareng aya oge hamba Alloh nu ngalakukeun amal-amalan kabiasaan penghuni surga, tapi akhirna jadi penghuni naraka. Sungguh… saestuna amal-amalan teh di tangtukeun dina panutupan nana. (HR. Buhkari, Ahmad, Ibnu Hibban)

Kumargi kitu…, jaga setiap amal-amalan urang ulah dugika ruksak … dina penutupan nana, sehingga eta amalan tiasa lulus sebagai amalan anu di tampi ku Alloh Robbul Alamin.

Jemaat Jum’at rahimakmulloh

Diantawis amalan-amalan romadon nu ngagambarkeun kana dongkapkeun ampunan Alloh SWT teh seueur, saumpamina urang ngajalankeun eta amalan insyaAlloh urang bakal kenging kana eta magfiroh Alloh Taala, diantawisna:

1 (kahiji). Jalmi Mu’min nu ngajalankeun Ibadah Puasa Romadhon: sakumaha sabda Rasululloh SAW:

مَنْ صَامَ رَمَضَانَ إِيْمَانًا وَاحْتِسَابًا، غُفِرَ لَهٗ مَا تَقَدَّمَ مِنْ ذَنْبِهٖ (متفق عليه)

Sing-saha anu ngajalankeun puasa Ramadhan kalawan Iman sareng miharep di paparin pahala ku Alloh, niscaya diampuni dosa-dosa nu tos kapengker. (mutaffaq alaih)

2 (kadua). Qiyamu Romadhon (ngadegkeun ibadah dina bulan ramadlan): nu dilebetna… Shalat tarawih, tahajud, witir, sareng ihya’u romadhontanapi nghirup-hirup romadhoan ku nyeueurkeun dzikir, tadarus, sareng ibadah sanésna, sakumaha sabda Rasululloh SAW:

مَنْ قَامَ رَمَضَانَ إِيْمَانًا وَاحْتِسَابًا، غُفِرَ لَهٗ مَا تَقَدَّمَ مِنْ ذَنْبِهٖ (متفق عليه)

Sing-saha anu ngerjakeun qiyamu romadhon (shalat malam) kalawan Iman sareng miharep dipaparin pahala ku Alloh, niscaya diampuni dosa-dosa nu tos kalangkung. (mutaffaq alaih)

3. (katiluna) Qiyamu Lailatul Qodr (ngadegkeun ibadah dina malam lailatul qadr): ngalakukeun Sholat wengi, Dzikrulloh, Tadabbur Al-Qur’an sareng Ibadah-ibadah nu sanésna dina wengian anu pinuh ku barokah (lailatul qodr) eta mantak dongkapna Ampunan ti Alloh, sakumaha sabda Rasul SAW:

مَنْ قَامَ لَيْلَةُ الْقَدْرِ إِيْمَانًا وَاحْتِسَابًا، غُفِرَ لَهٗ مَا تَقَدَّمَ مِنْ ذَنْبِهٖ (متفق عليه)

Sing-saha anu ngerjakeun qiyamu lailatul qodr (shalat sareng ibadah dina eta wengi), kalawan Iman sareng miharep dipaparin pahala ku Alloh, niscaya diampuni dosa-dosa na anu tos kalangkung. (mutaffaq alaih)

4. Nu masihan Ifthar: Termasuk kana bakal dongkapna ampunan Alloh pikeun jalmi nu resep masihan ifthar (pangbukaan) ka nu nuju puasa, sakumaha sabda Rasul SAW:

وَمَنْ فَطَّرَ صَائِمًا كَانَ مَغْفِرَةً لِذُنُوبِهٖ وَعِتْقَ رَقَبَةٍ مِنَ النَّارِ (روه إبن خزيمة والبيهقي وغيرهما)

Singsaha anu dina (sasih romadhan) masihan ifthar ka jalmi nu puasa, niscaya eta bakal ngajantenkeun (sabab) ampunan tina dosa-dosana oge ngabebaskeun dirina tina seuneu naraka (HR. Ibnu Khuzaimah, baihaki dan yg lainnya)

Dosa kasalahan mukminin bakal di ampuni atanapi digugurkeun ku Alloh ku ayana ngajalankeun sabab-sabab nu di antawisna nu opat perkara nembe, tapi …  mayoritas ulama nyebatkeun ampunan dosa eta… ngan berlaku kanggo dosa-dosa…, selain dosa “Kabair” (dosa nu arageung”), eta bersandar kana pidawuh Alloh SWT:

اِنْ تَجْتَنِبُوْا كَبَاۤىِٕرَ مَا تُنْهَوْنَ عَنْهُ نُكَفِّرْ عَنْكُمْ سَيِّاٰتِكُمْ وَنُدْخِلْكُمْ مُّدْخَلًا كَرِيْمًا ٣١ ( النساۤء/4: 31)

31. lamun aranjeun ngajauhan kana dosa-dosa rongkah nu dilarang, niscaya Kami baris mupus kana kasalahan-kasalahan aranjeun, sarta Kami bakal ngasupkeun aranjeun kana tempat anu Mulia (surga). (An-Nisa'/4:31)

Oge sabda Rasululloh SAW: 

اَلصَّلَوَاتُ الْخَمْسُ وَالْجُمْعَةُ إِلَى الْجُمْعَةِ وَرَمَضَانَ اِلَى رَمَضَانِ مُكَفِّرَاتٌ لِـمَا بَيْنَهُنَّ إِذَا اجْتُنِبَتِ الْكَبَائِرِ (روه مسلم)

Shalat anu 5 waktu, ti jum’at ka jum’at deui, ti ramadhan ka ramadhan deui eta bakal ngahapus kana dosa nu diperbuat diantarana eta waktu, salagi ninggalkeun kana dosa-dosa al-kabair (dosa-dosa besar)

Anu ka 5 na, nu mantak ngadongkapkeun ampunan Alloh teh nyaeta... beristighfar sareng bertaubat, Istighfar dina kaayaan puasa, dina waktos buka, dina waktu sahur oge dina siang sareng dina wengi na iyeu romadhon.

Oge bertaubat ka Alloh kalawan sungguh-sungguh… iyeu masihan harepan ageung kana bakal di bebaskeun atanapi di ampuni na sadaya dosa-dosa hamba nu ageung sumawona nu aralit, Sareng…, teu aya dosa alit saupamina teras-teras nambah dina setiap saat, sehingga dosa nu alit janten nga gunung.

Maka kitu, hayu seepkeun sisa waktos nu nu tos sempit dina Romadon iyeu, kalawan Istighfar sareng taubat ka Alloh SWT, sebab Alloh baris nampi kana taubatna jalmi nu hoyong kembali ka Anjeuna sumawona dina romadhan.

Firman Alloh:

وَاِنِّيْ لَغَفَّارٌ لِّمَنْ تَابَ وَاٰمَنَ وَعَمِلَ صَالِحًا ثُمَّ اهْتَدٰى ٨٢ (طٰهٰ/20: 82)

82. Jeung sungguh Kami maha pengampun pikeun anu bertaubat, beriman, oge berbuat kahadean, saterusna tetep (istiqomah) dina petunjuk (Taha/20: 82)

۞ قُلْ يٰعِبَادِيَ الَّذِيْنَ اَسْرَفُوْا عَلٰٓى اَنْفُسِهِمْ لَا تَقْنَطُوْا مِنْ رَّحْمَةِ اللّٰهِ ۗاِنَّ اللّٰهَ يَغْفِرُ الذُّنُوْبَ جَمِيْعًا ۗاِنَّهٗ هُوَ الْغَفُوْرُ الرَّحِيْمُ ٥٣ (الزمر/39: 53)

Pék caritakeun, “Hé hamba-hamba anu geus “laliwat batas” ka dirina sorangan, omat (aranjeun) ulah pegat pangharepan tina rahmat Allah. Saleresna Allah bakal ngahapunten sakabéh dosa-dosa. Saleresna MantenNa téh Maha Jembar-pangampura (tur) Mahaasih. (Az-Zumar/39:53)

Kumargi kitu tos sakedahna Ramadhan iyeu di akhiri ku Istighfar sareng taubat, memohon ampun ka Alloh SWT, margi … ari istigfar teh ngarupikeun penutup tina sagala amal-amal kasaean, sapertos shalat, haji, qiyamul lail, majlis ta’lim, maka … istighfar bakal ngajantenkeun pengukuh kana eta amal ibadah, bahkan saumpamina aya hiji majlis anu di lebetna berisi heuheureuyan, maka istighfar jadi pelebur sareng penghapus kana kasalahan na.

Jemaat Jum’at rahimakmulloh

mudah-mudahan urang sadayana kalebetkeun jalmi anu kenging ampunan Alloh SWT, sareng di tampi sadaya amal-amalan romadhon urang, tiasa istiqomah dina thoat ka Alloh, sarta tiasa ningkatkeun deui amalan sholeh urang dina waktos-waktos nu bakal dongkap.

Mudah-mudahan Alloh manjangkeun yuswa urang sadayana, sehingga tepang deui sareng Romadhon nu bakal dongkap. Aamin ya Robbal Alamin

بَارَكَ اللهُ لِيْ وَلَكُمْ فِي الْقُرْآنِ الْعَظِيْمِ، وَجَعَلَنِيْ وَإِيَّاكُمْ بِمَا فِيْهِ مِنَ الْآيَاِت وَالذِّكْرِ الْحَكِيْمِ. إِنَّهُ هُوَ البَرُّ التَّوَّابُ الرَّؤُوْفُ الرَّحِيْمُ.

أعُوذُ بِاللهِ مِنَ الشَّيْطانِ الرَّجِيْم، بسم الله الرحمن الرحيم،

﴿ اِنَّآ اَنْزَلْنٰهُ فِيْ لَيْلَةِ الْقَدْرِ ١ وَمَآ اَدْرٰىكَ مَا لَيْلَةُ الْقَدْرِۗ ٢ لَيْلَةُ الْقَدْرِ ەۙ خَيْرٌ مِّنْ اَلْفِ شَهْرٍۗ ٣ تَنَزَّلُ الْمَلٰۤىِٕكَةُ وَالرُّوْحُ فِيْهَا بِاِذْنِ رَبِّهِمْۚ مِنْ كُلِّ اَمْرٍۛ ٤ سَلٰمٌ ۛهِيَ حَتّٰى مَطْلَعِ الْفَجْرِ ࣖ ٥ ﴾  وَقُلْ رَبِّ اغْفِرْ وَارْحَمْ وَأَنْتَ أَرْحَمُ الرّاحِمِيْنَ.

Khutbah II

اَلْحَمْدُ للهِ عَلىَ إِحْسَانِهِ وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ.

وَأَشْهَدُ أَنْ لاَ اِلَهَ إِلاَّ اللهُ وَاللهُ وَحْدَهُ لاَ شَرِيْكَ لَهُ وَأَشْهَدُ أنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِي إلىَ رِضْوَانِهِ.

اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِيْمًا كِثيْرًا == أَمَّا بَعْدُ 

فَياَ اَيُّهَا النَّاسُ اِتَّقُوا اللهَ فِيْمَا أَمَرَ وَانْتَهُوْا عَمَّا نَهَى ==وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآ ئِكَتِهِ بِقُدْسِهِ 

وَقَالَ تَعاَلَى: إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآ اَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. 

اللھُمَّ صَلِّ عَلَى سَیِّدِنَا مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِیْمًا كِثیْرًا 

آمين يا رب العالمين ...

اَللهُمَّ اغْفِرْ لِلْمُؤْمِنِيْنَ وَالْمُؤْمِنَاتِ، وَالْمُسْلِمِيْنَ وَالْمُسْلِمَاتِ، اَلاَحْيآءِ مِنْهُمْ وَاْلاَمْوَاتِ،

 اللهُمَّ أَعِزِّ اْلإِسْلاَمَ وَالْمُسْلِمِيْنَ وَأَذِلَّ الشِّرْكَ وَالْمُشْرِكِيْنَ، وَانْصُرْ عِبَادَكَ الْمُوَحِّدِيَّةَ وَانْصُرْ مَنْ نَصَرَ الدِّيْنَ، وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَائَكَ أَعْدَاءَ الدِّيْنِ، وَأَعْلِ كَلِمَاتِكَ إِلَى يَوْمَ الدِّيْنِ.

أللهم يا ربنا، ويا إلهنا، ويا من تسمع كلامنا، وترا مكاننا، وتعلم سرنا وجهرنا، أنت القوي ونخن الضعفاء إليك، أنت الغني ونخن الفقراء إليك

اللهم طهّر قلوبنا من النفاق، وأعمالنا من الرياء، والسنتنا من الكذب، وأعيوننا من الخيانة، فإنك تعلم خائنة الأعين، وما تخف الصدور

اللهم تقبل منا صلاتنا، وقيامنا، وركوعنا، وسجودنا، وصيامنا، وقراءتنا، وتعبدنا – وتمّم تقصيرنا - يا الله 3× يا ارحم الراحمين

 رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ.

رَبَّنَا ظَلَمْنَا اَنْفُسَنَا وَإِنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ. = والحمد لله رب العالمين

عِبَادَاللهِ! إِنَّ اللهَ يَأْمُرُ بِاْلعَدْلِ وَاْلإِحْسَانِ، وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَالْمُنْكَرِ وَاْلبَغْيِ، يَعِظُكُمْ لَعَلَّكُمْ تَذَكَّرُوْنَ، وَاذْكُرُوا اللهَ اْلعَظِيْمَ يَذْكُرْكُمْ، وَاشْكُرُوْهُ عَلىَ نِعَمِهِ يَزِدْكُمْ، وَلَذِكْرُ اللهِ أَكْبَرْ === اقِمِ الصَّلَاةِ ---